السلام عليكم
وصباحكم ومساكم سكاكر ورد جوري
زواري وفلزات اكبااادي ومدونتي الجميييله الحبيبه والقريبه الي قلبي كثيراً
اعرف انوو سكت وزمان ومن زمان برضو ماتكلمت ولاهرجت ولافضفضت
انشغلت حكييتكم انو رحت قدمت في مدرسه بجانب بيتنا وسويت تست
وانقبلت ولله الحمدالله ،،، المهم مع شغل صار يومي كلو بزي حتي مدونتي
ماصرت ادخلها ولا اخرج ولا اروح .... وللآسف ياليت كان بفايده جميله
المدرسه ماكنت جيده ابداً لا من جهة الطالبات ولا الاداره ولا المدرسات لانو
كان بينهم سوسات ويالطيف انصدمت انو الاخلاق دي هنا بالمدينه باحسن
واطهر بقاع الارض ،،،المهم المدرسه بشكل عام مافيها نظافه جداً
انصددمت والله انا كل المدارس الي درست فيها كانت تلقق لقلقه وهي حكوميه
كنت بالثانويه ٢٣ كنا نمشي وريحه الديتوول تقوول انا هناا كانو لو في
من البنات الي ناقصات نظافه يرمو لبانه كانت تجي المديره وتخلي العاملات
يمسحوها كانت شي دي خاصه كدا نجي لغرفه المعلمات للاسف كانت حمام
نجي للمديره في بدايه الترم اغرتنا بانو لنا كلمتنا ع طالبات وبإمكاننا حرمانهم
لما يسؤو الادب ومو لاازم احددلهم وهددتنا انو ممنوع التحديد وكذاا اخر شي
لما ننفذ اوامر سموها تقوول لا حدددلوهم وغصباً عنك قدام الطاالبه ؟!!!
ليش الف والدوران نجي لحاجه تانيه كانت تبغانا بزي موحد المعلمات متخيلين المهزله ؟!!
غير قاعدتلنا ع البسس انا بحياتي بجامعه كلها ماحد قال عن لبسي شي لانو اراعي
المكان الي انا فيي وماما مديره واعرف يعني كل شي لانو بسوي شغل ماما عاده
كانت كدا تحب نتقتقد بشكل فظيييع مايعجبها العجب علي فكره هي بسن ستي :|
نجي انو كانت تطلب مني اسويلها شغلات بالكموبيتر وكنت اسويلها كلو بزبط وكانت
تقول قدام الابلات ماعمرها سوت شي اووك "| المساعده قديمه بالمدرسه وكبيره يمكن اكبر
مني حوالي الـ ٢٠ او ١٥ تشرشحها قدامي انو ماتعرف تسوي شي متخيييلين ؟
غير انو كل شويه بتخلينا نوقع ع شي وكل يوم اجتماع مليان انتقادات وغباوات
غير انو ملزمين نفتش عن البنااات كل يوم صباحاً شنطهم وهما زاتهم
انا كنت ارفض افتش البنات شنطهم ايوا بس هما سلامات ؟! حاجه وحشه مره
وغبيه وهدا شي ممنوع اصلا متخيلين كانو البنات يضحكو علينا ؟!
نجي لصحبه المدرسه هادي انساااانه مره ماتخاف ربهاااا جداً وحده
تاكل فلوس ناس من غير وجه حق وتضحك ع الحكومه .. قال الرواتب ٥٠٠٠
تاكل نصها ٤٠٠ ريال تقول لدعم المدرسه و٢٠٠ عشان خليتي البنت تخرج
و٣٠٠ عشان ماسويتي وسايل و١٠٠٠ ماتعرفي وين اختفت المهم اخر شي يصفالك ٩٠٠
في حياتي ماشفت مدرسه كدا بنذالتها .. انا قررت انو اخر دوام بيكون ليا ١ ذو الحجه لانو ماقدر
اكمل معاهم كدا فقلت لكم معلمه من الي اثق فيهم ماعرف انو الخبر وصل للمديره وبسس
المهم خلاصه تجربتي في المدراس الاهليه جداً سيئه
وماانصح احد يروح وهو مو محتاجها كانت لسداد وقت الفراغ وماحلا العوده للبيت والنوم
وقررت اخد راحه خلالها حطور نفسي اكتر واركز ع هوايتي وابحث عن وظيفه تليق بمستوايا
وكل شيئ
واخر شي اقول
اللهم ارزقني حلو الحياة وجمال الحظ وسعة الرزق وراحة البال واكتب لي ماتمنيت .. اللهم امين
