بسم الله الرحمن الرحيم


القصة استمرار لسلسله تجاربي حبيت اشارك على مدونتي  اخر تجاربي مع عيادات الاسنان 
ورحله البحث عن دكتور  اسنان في مدينه الخبر  شاركتكم  بتدوينه سابقه 
تجربتي الفاشله  مع السعودي السويسري ، وتبعها تجربه اكثر فشل 
حقيقه بعد التجربه السيئه في سعودي السويسري  سويت بعدها بحث
ولقيت تقيم علي عيادات اسمها رام   جربت بالبدايا  طبيب وكانت كمان التجربه 
جداً فاشله حرفياً بعد ماخلصت شغل بيومين  تلاته رجعت اسناني الي اشتغلها
توجعني  منجدد تحطمت  انو خلاااص  سنتين كامله وانا ادور على طبيب  اسنان ممتاز 
هنا  من جد الي لاحظتو في المنطقة الشرقيه للاسف مافي ريفويهات ابداً عن اي مكان 
المراجعات قليله لين يوم اتكسر سني ومنجد حسيت قلبي انكسر معا بشكل موطبيعي 
عشت حاله هلع مو طبيبعيه  فقمت اتوجهت للعياده الي عالجت فيها اسناني اخر  مره 
بحكم انو السن الي نكسر كان دوبو معالج عندهم بفتره اقل من سنه   طبعاً لقيت 
الطبيب الي عالجت عندي اخر  مره  قيدو ترك العيادات  فحطو ملفي عند دكتور  اسمو 
د. عمار ... 



دخلت عند  طبيب  تجميل  اسنان سويت عندو اسناني 
العلويه ركبنا عدسات زركون  الدكتور  حرفياً  امين  من جد وهادا اول شي ريحني عندو 
 الطبيب الي قبلو قال احتاج اسوي فينير  لكامل الاسنان وحتكلفني حوالي ٣٢ الف ريال 

بيبنما الطبيب عمار كان رأيو من نفس رآي الدكتور عبدالرحمن طبيبي بعياده  ابراهيم مسعود
بالمدينه  انو انا الفينير مو جيده ليا بحكم اسناني انها ضعيفه   واحتاج اغطيها تغطيه كامله 

الفينير لومنير  عدسات بتغطي الاسنان من الامام  فقط بينما الزركون  او الي نسميها 
بالعاده تلبيسات  بتغطي السن كامل من الامام  والخلف 

وتطابق رأيو مع رأي دكتور عبدالرحمن  خلاني ارتاح واسمي بالله وابدء مع شغل 



تجربتي 

بختصار تجربتي كانت بطله وبإذن اقدر اقول عنها ناجحه الى الان تقريباً شهر 
ماشتكيت من اي الم   الشغل حرفياً نظيف ماشاءالله وجداً كان حريص على 
انو شغل يكون بيرفكت   لون العدسات كان  جداً جميل طبيعي وزي ما بغاا 
 الاسنون مرصوصه بشكل طبيعي  ماهو مكرر زي باقي العدسات لما تكون 
مره بيضا  ومصفوفه جمب بعض زي المسطره احب التعرج  الطبيعي منجد 
 حبيت اسناني وماصرت انكسف لما اضحك  من جدا  ماشاء الله  عليه 
الله يجازيه رب كل الخير  انصح فيييه    .  

السلام عليكم ورحمه الله وبركاته 

اهلا حمودي 


في اول يوم من السنه الهجريه الجديده ربي رزقني بحمودي 

ايش يعني  انو يصير عندك ولد 
ايش يعني تصيري أٌم 

حياتي بكاملها تغيرت  نفستي بكاملها اتغيرت صرت اقوى 
واتحمل اكتر صرت اكتر تحكم باعصابي 
في البدايه كان شي جداً صعب  وإلي الأأن صعب
بس احس مع الايام بتعود 
صح زعلانه على حريتي زعلانه انو اول كنت اخرج متي مابغا انام  متي مابغا
دحين كل شي  مرتبط بدا  صغيير 


الله يخليلي حمودي ويسعدو ويقدرني علي برو   يارب 

الجو بدء يتعدل ويصير جيد ويعدل المزاج  دي الفتره راجعه اسمع اغاني قديمه وكده  كده ليا ساعه معلقه
ع اغنيه اصاله مره جميله ومره توجع حلوه بشكل دي الادميه  تطرب وتاخد جو احسها المطربه الوحيده
الي تملك احساس حقيقي  يا صوتها ياخذ عالم تاني وقصه  جديده

السلام عليكم ورحمه الله وبركات



قبل اسبوع تقريباً كنت بالنور مول بنعمل shopping انا وصحبتي واكدا واحنا داخلين ع محل
نسيت اسمو اعتقد كولوني شي زي كدا المهم وانا بمشي بشوف المصري قاعد يقول لشاب
سعودي بيشتغل "انو الارزاق بيد الله زي مانتى عارف وهتلاقي رزئك بمكان تاني  ..."
طبعاً انا مشيت بس كان كل تركيزي معاهم بنص الدوام وبيقولو كدا قدام الكاستمرز
والمحل مليان طب كان دخلتو المخزن وقلتلو يـ ** منجد مره عصبت ومرره حزنت
انا حسيت انو انكسرت وانسدت نفسي خااصه لما شفت الشب خارج وراسو
بالارض مرره كان راسو بالارض من داك اليوم وانا كدا بس افكر ... الاحساس جداً قاسي
جلست افكر وين السعوده الي بيقولو  هما عمالين ايه يسوو عشان كلمه سعوده  صارو يسعودو
واحد ويشغلو شهر شهرين بعدين يشوتو ويجيبوا واحد اجنبي بدالو على طووول
اعتقد انهم بيمشو سعودي ومايلغو اوراقو ويخلو واحد اجنبي يشتغل انو هوا لان دي الحركه
قريت فيها مرره مره انصمت حسبي الله عليهم  يا الله نظرتو وهو  خارج كيف كانت منكسره
نبغا حل لدي الحاجات الي بتصير افتكر زمان لما كنت صغيره جاتنا "خادمه " كانت مرره سيئه
ماتشتغل كويس وكانت تضربنا انا واخويا دايما وتزعق علينا طبعا ماما ماكنت تسيبنا مع شغالات
كنا ننزل بشغالتنا عند جده لما ماما تخرج .. المهم كنت دايما شتكي لماما ودايما تخرب وتكسر
افتكر مره حرقت سجاده حرير ايراني  لما ماماعصبت قلتلها سفريها قالتلي كلمه الي اليوم
دا ترن بادني كانت تقول " ماحسفرها الا لما هي تقول ابغا اسافر قطع الارزاق ولا قطع الارقاب "
منجد كيف دولا مايفكرو كدا  اعرف البوست دا مايودي ولا يجيب بس فضفضه
وحاجه كاتمنتي لليوم الله يوفقو ويرزقو بالي احسن منها ويرزقنا احنا كمان يافتاح ياكريم

يسعد صباحكم جمعاً




الاسنان وما الاسنان .... لا تعرفون حجم الهوس الذي يصيبني ناحيتها .. لدرجه عندما انظر للمرء اول ما
يجذبني له اسنانه لا شعورياً لدرجه ان امتداد تعبي لاسناني اصبح معضله حياتي .. ثمانية سنوات
وانا  كل كم شهر وانا ازور الطبيب  من حجم الوسوسه اصبحت اسناني يصيبها سوس بشكل فضيع
حتى طبيبي قد تعب معي ومستغرب امس يقولي : ايماان انتي ايش مسويه ؟؟! ماتفرشي ؟
والله انا بفرش ؟ كتير وخاصه بعد الاكلات الحلوه او الدسمه ؟ ... طبعاً انا انسانه وفيه جداً اهلي
اصبحو يشكو بنزاهة الدكتور  بإن قد تكون مواده فيها مشاكل او شيء ماء .. ولكن انا بصراحه
مستحييل ان اغير طبيبي لو ماذا .. خلاص تعودت عليه .. ارتحتله لما يضرب ابره مايعور ولا احس فيها
مو يكفي دا ... :( .... انا انساانه ترعبني الابره بشكل فضييييع ما ان اراها حتي ترتجف كافه ضلوعي
... امس.. اصابني حدث غريب .. طبعاً .. اول ماجلس ع الكرسي اطلب الابره .. وبنفس الوقت ترعبني
.. بعد ان اعطاني الابره التي لم اشعر بها اطلاقاً .. ماشاء الله تبارك الله .. وذهب الطبيب ليترك الابره
تاخد مجراها .. اصابتني تلك النفضه التي شعرت بان معدتي ايضاا تتحرك يالله شعور مرعب ،،
انا خفت من تلك النفضه اكثر ماكنت خائفه .. لا اعلم ماسر هذا الخوف ،، يخبرني والدي عندما كنت
صغيره انا بالكاد افتكر الطبيب مافتكره فقط سوا الالعاب التي كان يقدمها الطبيب عند كل زياره : )

دائما ماكنت اصبر ولا ابكي كنت طفله سوبر ،،، وطبيب كان مرتاح معي اشد الارتياح حتي كان يناديني
بسوبر ايمان ... لاني كنت غير الاطفال عادة ... ولكن في اخر جلسه وكانت الجلسه الختاميه اصبحت ابكي
وارتجف ... اخد طبيب  يدق ع الخشب .. ظناً بأنه حسد قوه تحملي ..

تلك الحظه .. وانا ارتجف تذكرت تلك الحكايه .. وقلت الرجفه دي بشااره خير .. انه تعب ٨ سنوات  حبخلص
حكايه التسوس دي ماحترجعلي تاني وتقعد اسناني جميله زي فنانات هوليود تصير بيضه وتدق لمعه
هههههه  .. منجد اصبحت ريحه المستشفي تسبب لي رعب حتي في احلامي ..مره بابا   اتي بمسحوق تنظيف
 للارضيات  وتطهير رائحته تشبه تلك الريحه التي تستخدمها عيادة اسناني   ،،،يالله   اصبح الطبيب الاسنان
يلاحقني حتي بالبيت .. امنيه حياتي حالياً ان تعود اسناني ع سابقيتها زي بقيه البشر لا اخفيكم علماً
باني من امس الظهر لم اكل شيئاً خايفه اكل جداًَ  :"(