السلام عليكم


صباح الخير والورد المديني والكادي


وغيرت اسم المدونه للمره الخمعطش  بعد الترليون اعترف انو انا انسانه ماعندي قراره وبغير كتير لين
استقر متردده ولما اشتري شي مااخدو كدا على طول لازم اقري كتير واتريث ووللو لبس وكدا اشتري
بعد مالف السوق كلو واشوف مستوى البضاعه  واقرر وكدا  بس خلاص ان شاء الله  دا اخر مره اغير
لان مدونتي عامه بكتب يومياتي  افكار فجاءه تنط اهتمامتي قرائتي واهتمامتي عشان كدا وهي مدونتي
انا بتعكس من هي ايمان فعشان كدا كان الاشمل انو يكون الاسم ايمان


وطاب يومكم وبإذن الله ارجع ومااغيب عن هنا عن بيتي ومطرحي 

التغذيه البصريه

اسلوب يفتح لنا الأفق ويقدم لنا الافكار علي طبق من ذهب عند اطالعنا للصور كثير لمصورين من كل انحاء المعموره
سنخرج بفكره او ينمي ذائقتنا البصريه .

كل فنان له اسلوبه وتقنياته الخاصه به وافكار جميله .. فاعند اطلاعنا للعديد من الافكار لموضوع معين .. حينها
سنستطيع الخروج بفكره ابداعيه  سنصع اسلوبنا وننمي انفسنا




 *حرجع وكمل ع تدوينه 

السلام عليكم ورحمه الله وبركاته


طبعاً زي ماانتم شايفين غيرت اسم البلوق لدا الاسم انا انسانه تعشق السما احب اتفرج عليها ماعرف ليش كدا
احس هناك في حياه تانيه في جمال تاني فيها جمال مو طبيعي تجيني لحظات اصور السما حتي ازا كانت فاضيه مافي شي من هنا  جاني دا الاسم :) وكمنا غيرت التامبلت وكدا لفتره حتي استقر لقالب خاص فيني وكدا نفسي اجلس
واصمم بس ماحس عندي دا البال ع قد ماصور وكدا ماعمري خرجت الصور من الميموري حتى لو كانت النتيجه مره جميله فيني كسل مو طبيعي :(

هدا كان اولا ثانياً .. احس عندي كلام كتير من يوميات ومن موضوع حابه اتكلم في لدرس بالتصوير وكدا عشان كدا دحين بس اخلص كوبايه الكبتشينو واببدء انزل بلوق عن تصوير وكدا احس من زمان ماسويت شي كدا 

happy new year 



وخلصت الـ 2012 وراحت ١٤٣٣ 

وبدينا سنه جديده وعمر جديد  احلام كتير كتبنا واتمنينا انو تتحقق  واحلام حققتها ٢٠١٢

اشياء كتير صارت وناس تخلقو وناس ماتو ،، وحكايات بديت وحكايات انتهت 


انا اهم حدث حصلي بـ ٢٠١٢ انو تخرجت وكمان خلال ال٢٠١٢ كبرت اكتر ،،وصارت عندي طموحات 

ماكانت عندي اول ...


اهم شي واهم حاجه انو بدينا سنه جديده وخلونا نبدئها كويس بصفحه جديده بعلاقه جديده مع ربنا
خلونا اكتر قرب لان  كل ماقربنا من ربنا امانينا حتتحق والحظ حتتحلوو 


جيبو ورقتين وحدا وحطو فيها اهم اهدافكم جديده لا تخلوها كتير ركزو ع هدفين او تلاته واسعو انو تتحقق

وربنا كريم 

هدا الي بجعبتي اليوم كان المفروض اكتيو من يومين بس للاسف الكسل الي فيا ماسمحلي 



وكل سنه وانتم سالمين 

يسعد صباحكم جمعاً




الاسنان وما الاسنان .... لا تعرفون حجم الهوس الذي يصيبني ناحيتها .. لدرجه عندما انظر للمرء اول ما
يجذبني له اسنانه لا شعورياً لدرجه ان امتداد تعبي لاسناني اصبح معضله حياتي .. ثمانية سنوات
وانا  كل كم شهر وانا ازور الطبيب  من حجم الوسوسه اصبحت اسناني يصيبها سوس بشكل فضيع
حتى طبيبي قد تعب معي ومستغرب امس يقولي : ايماان انتي ايش مسويه ؟؟! ماتفرشي ؟
والله انا بفرش ؟ كتير وخاصه بعد الاكلات الحلوه او الدسمه ؟ ... طبعاً انا انسانه وفيه جداً اهلي
اصبحو يشكو بنزاهة الدكتور  بإن قد تكون مواده فيها مشاكل او شيء ماء .. ولكن انا بصراحه
مستحييل ان اغير طبيبي لو ماذا .. خلاص تعودت عليه .. ارتحتله لما يضرب ابره مايعور ولا احس فيها
مو يكفي دا ... :( .... انا انساانه ترعبني الابره بشكل فضييييع ما ان اراها حتي ترتجف كافه ضلوعي
... امس.. اصابني حدث غريب .. طبعاً .. اول ماجلس ع الكرسي اطلب الابره .. وبنفس الوقت ترعبني
.. بعد ان اعطاني الابره التي لم اشعر بها اطلاقاً .. ماشاء الله تبارك الله .. وذهب الطبيب ليترك الابره
تاخد مجراها .. اصابتني تلك النفضه التي شعرت بان معدتي ايضاا تتحرك يالله شعور مرعب ،،
انا خفت من تلك النفضه اكثر ماكنت خائفه .. لا اعلم ماسر هذا الخوف ،، يخبرني والدي عندما كنت
صغيره انا بالكاد افتكر الطبيب مافتكره فقط سوا الالعاب التي كان يقدمها الطبيب عند كل زياره : )

دائما ماكنت اصبر ولا ابكي كنت طفله سوبر ،،، وطبيب كان مرتاح معي اشد الارتياح حتي كان يناديني
بسوبر ايمان ... لاني كنت غير الاطفال عادة ... ولكن في اخر جلسه وكانت الجلسه الختاميه اصبحت ابكي
وارتجف ... اخد طبيب  يدق ع الخشب .. ظناً بأنه حسد قوه تحملي ..

تلك الحظه .. وانا ارتجف تذكرت تلك الحكايه .. وقلت الرجفه دي بشااره خير .. انه تعب ٨ سنوات  حبخلص
حكايه التسوس دي ماحترجعلي تاني وتقعد اسناني جميله زي فنانات هوليود تصير بيضه وتدق لمعه
هههههه  .. منجد اصبحت ريحه المستشفي تسبب لي رعب حتي في احلامي ..مره بابا   اتي بمسحوق تنظيف
 للارضيات  وتطهير رائحته تشبه تلك الريحه التي تستخدمها عيادة اسناني   ،،،يالله   اصبح الطبيب الاسنان
يلاحقني حتي بالبيت .. امنيه حياتي حالياً ان تعود اسناني ع سابقيتها زي بقيه البشر لا اخفيكم علماً
باني من امس الظهر لم اكل شيئاً خايفه اكل جداًَ  :"(

صباح الخير

(١)

واخيراً نومي قد ترتب واصبح على مزاجي انا انسانه صباحيه تكره المساء جداًً
صحيح بآن حياتي الإجتماعيه قد انتهت مع نظام حياتي هذا ولكن اكثر مايهمني
الإن ان يكون مزاجي عال العال .. نظامي يا اعزائي بأن أصلي العشاء  وانام فوراً
ثم استيقظ قبل صلاة الفجر اصلي وابدء يومي بكوب من النسكافيه ثم ابدء بجو من الروقان
اتابع  شروق الشمس وتبدل للون السماء  شيء جمييل جداً  اصبحت الإبنه البارة
والأخت الصابرة والانسانه السعيدة جداً  اقرأ كتاب  ، ادرس اخي الصغير ،العب
بالمكياج لاتعلم اتقان شي واواكب امور الموضه والجمال  اصبحت حقيقة فتاه
بعد ان  كانت حياتي كلها تدورس حول الجامعه والدراسه ،، اصبح هذا خلفي
جداً اصبحت فتاااة   :)

(٢)

شيء جميل تعلمته مع الفضاوه كيف اوقظ النيام بشكل ان يكونو سعداء ويذهبو
سعيدين لدوامتهم .. بما اني اوقظهم جميعاً وعاده ماما تقوم بهذا الدور وهي
ايضاً موظفه فلا يسعها الوقت لاعداد الفطور او ايقاظ العامله المنزلية معها
اصبحت اقوم بتدليلهم واجهز لهم فطور فاعد شريحه التوست والشاي لماما
وكوب الحليب وسندويش للولدان .. الان اصبح الاستيقاط جدا سهل يكون الفطور
جاهز ادللهم يذهبو للمدرسه اعجبني دور ربة المنزل علي فكره  :p


(٣)


الرياضه ايضاً اصبحت من روتيني الصباحي الجميل كم هو شعور جميل
انصحكم بها تبدد التعب ويبدو اليوم جميل وبكامل النشاط

(٤)

وماذا بعد  التصوير موهبتي الجميله تراكمت عليا الصور ولم اعالج اي واحده منها
لا اعرف متي انهي الكسل وابدء بمعاجلتها ونشرها

(٥)
يوم الخميس كان ميلاد صديقتي المقربه فوته كم اشعر بالحززن المرير يارب
اريد تعوضيها باجمل عيد يمر بحياتها اطلاقاً .. وكيف لي ؟ :(

صباحكم سكر ورد وكادي


طبعا اغلبكم بيشوف البرنامج الجديد the voice وكدا فمن لجنه التحكيم كاظم الساهر
طبعا دا رجال حاجه فخمه ءوي واحبها جداً  حبي له حكايه ححكيها اولادي وبناتي
زمان لما كنت صغيره اقل من ١٠ سنوات كنت ماحبو اكرهو مرره وكانو بنات عمي مره
يحبووو لدرجه لما كنا نلعب مدرسه كانا نسوي حصه موسيقي فكان عنوان الحصه
دايما يخلو كاظم سيره كاظم واهم اغاني وانا كنت اكرهو  مرره المهم تمر السنين واصير
سادس ابتدئي بديك الفتره انا كان عاصي الحلاني هو حب حياتي لدرجه كنت اخبي
الكاسيتاات فوق في دلاب اطلع بالسلم عشان اجييبهاخخخخ
الممهم مرره  كان ضهر وكداا او الساعه ٣ واحط قناه art موسيقي والي المذيعه تقول
ودحين حتشوفو لاول مره وحتكونو اول ناس تشوفو  فيديو كليب كل عام وانت حبيبي

اناا ديك الحظه مدري  تغيرت الكيمياء نفسيه ليا وصرت احبووو فجاءه كدا من دون مقدمات
ولا شييي اروح  عند بابا وهوا كان قاعد ع الكمبيوتر وقتها كنت شي خامس او سادس
اعتقد خامس المهم واقولو بابا ابغا اسمع اغاني لكاظم بابا جلس يضحك ويفتحلي طرب
ونقعد نسمع سوا طبعا وقتها كان مستحيل اقعد ع نت من دون ما بابا يكون معايا جمبي
كنت افتح اين واكتب كاظم وتطلعلي اخبار صررت كدا مجنوونه اجمع مصرووفي عشان
اقول لخالي الي يكبرني بسنه انو نروح محلات الاستديوو  مع سواق ورحت كملت كل المجموعه
البوماات كاظم  يختي عليا واروح ادور بوسترات له
ماكان احد يحب كاظم كتير بعد ذا فويس صار موضه والكل يجي يسآل ايش في غاني حلوه لكاظم
ويغيرو الافاتار
كاظم فناااان جمييل ومشاغب كتير ويغااازل كتيير لدرجه اصبح فارس احلامي شخصيه زيو كدا ياااه
كاظم في الاغاني الحركيه يحركها ويخليها تجنننن تهيص كذااا في الاغاني الحواريه يتققن الحوار تحسي
كم شخص يتكلمو  في الاغاني الي تكون روائيه يا الله روائي صاار نفسي اسمعلوو كدا وهو يقرا كتاب
يالله  انا جداً مفتونه في لدرجه الادمان دي لما اسمعلوو كداا احس انو كل حوااسي عندوو
اليومين دي الدمييعه زاايده  صرت بس اشووف شي تدمع ماعرف ليش اسمع شييي ماعرف كدااا
بمر فتره عجيبه نفسيه  مدري ليييه
المهم فماعرف ليش كدا كاظم مسوي فيا علي فكره اخر سنتين كان كاظم عندي شي عادي وكدا انو امشي حفلاتو
والمقابلات ومو لازم اشوف او اسمعلو كتير بس يمكن كل فتهر تجيني حاله جنون في زي الي بامر فيها دحيين
زي اليوم كدا انا الاسبوع الي فات كدا ماشفتو ماهتميت المره دي شفتو وكدا صار فيا
وكدا


* علي فكره كل الي فوق لا تاخدو منو كلام اخر اليل وحاله نفسيه تجي وتروح بين فتره وفتره بس صدق كاظم يقتلني يكسرني نصفين كالهلال