السلام عليكم ورحمه الله وبركاته
بوست اليوم حيكون عن تجربتي لتطبيق كريم الي اغلبكم سمعو في طيب الي ماسمعو في خلونا نعرفهم عليهم
ايش هي كريم ؟
وهي شركة خاصة لخدمات تأجير السيارات، تعمل على تطوير أسلوب ومستوى جودة تنقلات الأشخاص ضمن المدن من خلال مزايا مبتكرة تقدّمها. ويستطيع عملاؤنا حجز رحلاتهم إما عن طريق الإنترنت أو عبر تطبيق الهاتف المتحرك، إلى جانب حصولهم على إمكانيات أخرى عديدة مثل المتابعة الآنية للسيارة التي حجزوها، والدفع بواسطة بطاقات الائتمان، واستلام إيصالات الدفع عن طريق الإنترنت
طب وين نلاقي كريم عشان نستفيد منهم ؟
ويتوزع فريقنا العالمي على دبي، وأبوظبي، والدوحة، والرياض، وكراتشي، وبوسطن، وسان فرانسيسكو
طيب دحين ححكيكم عن تجربتي بكل امانه واشرحلكم كيف تقدرو تشتركو بدي الخدمه
بالبدايه عندك اما توصليهم عن طريقين
اما موقعهم
//www.careem.com
او تطبيق تحملي على جهازك الجوال
1- بتحددي المكان الي بياخدك منو
2- بتختاري المكان الي تبغي يوصلك
الحلو في توصيل في خيار الخريطه تحددي المكان بزبط وهو يجيكي عليه تماماً ولو ماتعرفي احداثيات المكان
مثلا اكتبي اسمو انا كنت اختار مكاني من الخريطه والمكان الي يوصلني هو كان مول بس كتبت اسمو
3- تحبي يوصلك دحين ولا كمان شويه
4- تختاري نوع السياره اقتصاديه ولا بزنس
5- يحسبلك التكلفه
6- تحطي بيانات الفيزا حقتك
7- تقوليلو يلا جو
طيب كيف كانت تجربتي وايش الايجابيات والسلبيات
بدايه انا بقولكم بتفصيل الممل اول مره جيت اجرب كريم صادفتني مشكله بVisa وتواصلت معاهم
وحاولو يحلوها وكدا كانو جداً متعاونين وكدا مرره جد اشكركم واخر شي طلعت المشكله من البنك
انو لازم اجدد الفيزا حقتي وجددتها وكلو تمام بعد كم يوم شحنت الفيزا وكدا ويلا قو نجربهم
سويت زي الي وريتكم هو فوق بتمام ونخصم من حسابي اول مره واحد ريال ماعرف حق ايش
وقلت غريبه ليش ماخدو ٣٠ حقت المشوار كامل الا شويه تجيني هالرساله على الجوال
الرساله الآولي بيقولي انو انا بالطريق ودا رقمي الرساله تانيه انو وصل وجميل لو فتحتي تطبيق بتلاقي خريطه بتشوفيها فيها بيانات السواق ورقم الوحه وين مكانو بالزبط قديش يبعد عنك انا مشواري كان للظهران مول وهو قريب مني
جداً تقريبا حوالي 4 كيلو وراشد مول قدامي نهايه الشارع بس الشارع رئيسي كبير هاي وي حوالي كيلو كيلو ونص
حسبلي هما بنفس السعر حسيت مايصير دي نقطه سلبيه تماماً هدي اول سلبيه لقيتها بس صح السواق وصلني يعني قال ١٠ دقايق قبل ال١٠ السواق ارسلي رساله انو واقف تحت طبعا انزل تحت ع حسب الرساله ومالاقي موجود واتصل
اتصل على الرقم مارد ولا ١٤ مكالمه كلها بين مقفل وبين مشغول اخر شي اشوف سياره واقفه قدام الفندق الي قدامي
ونفس مواصفات السياره اسئلو انت من كريم قالي ايوا الـ gbs ماادا نفس مكان بيتي ادى اقرب شي مشهور عندي
بس في رجعه اتصل وقالي انا بره ورد على اتصالي هادي تجربتي كامله معاهم من جد السياره نظيفه ومكيفه
السواق محترم ١٠٠% صح بعد ماوصلني بشويه انسحبت قيمه التوصيل الي كانت 30 ريال اعتقد صراحه تجربه جداً جميله وارتحتلهم مرره وحعيد التجربه تنين وعشره يعني حتى اهلك بيرتاحو انا مستحيل اركب مع اي سواق مشاوير
ولا عمري جربت كريم ومعايا اخويا ..عجبو جداً لان بتحسي انو راكبه سيارتك ومع سواقك اهلك مطمنين عارفين رقم السياره ومن وين وكل شي يعني لو قالولي اقيمهم بديهم ٨\١٠ عشان حسيت الاسعار شويه غاليه وكمان السواق لازم ينتبه ع جوالو شوي وراح ارجع اكرر التجربه شكراً كريم
