السلام عليكم ورحمه الله
بالبداية..
الحمدالله
على تمام المنه
واكتمال النعمه
هادا الموضوع في مراجعه لاهم مستشفيتين بالمدينه المواساة والمطبقاني
في ولادتي الأولي قررت اولد بالمطبقاني الي هو مستشفي المدينه الوطني بسبب قربو من البيت
اول وثانياً عشان دايما الكادر الطبي حقو يقولو عنو كويس وفي ولادتي الثانيه قررت اولد بالمواساة
عشان اغلب الي حوليا يولدو في ولما ازورهم بشوف الفرق بالنظافه عن المطبقاني الي ولدت في
طبعاً حابه انوه انو هذا راي شخصي وتجربتي البحته وصراحه كل مستشفى من الاثنين في حسنه
نجي للمطبقاني
بشكل عام لو جدد المستشفى لانها قديمه وتعتبر متهالكه ولازم مستوى النظافه يرتفع
غير الاثاث والغرف متهالكه وكان السرير اه من السرير انا تعبت حرفياً من سريرهم
ماكان مريح ابد حرفياً تنومت خمسه ايام والله مانمت فيها الا اذا طلبت منوم
السرير كان يعورلي ظهري لدرجه اخدت فكره انو اوك كل سرر المستشفيات كدا
كمان السستم عندهم سيئ يعني تخييلو انا براجع عندهم دايما فجأه جيت
الاقي سجلي الطبي انحذف !!! ونظام حجز المواعيد سيء جداً
يعني عشان اعرف نتيجه تحليل او ابغا اسوي موعد لازم اضرب مشوار
ولكن الدكاتره بشكل عام هناك مره احسن بالمطبقاني اقصد يعني لو اتكلم عن تعب
بعد العمليه القيصريه كان مره مو بصعوبه ولادتي الاخيره حتى طبيب البنج
بنسبه ليا كان محترف ماتعبت بعد ماقمت تقريباً كان تعبي بعد الافاقه كان
نفسي بس رغبه بكاء كنت ابكي بس وعيوني فيها زغلله ، بس تعب تعب لا ماكان في
الاطباء كانو كل شويه يجو ويطموني وكانو يكشفو عليا مو بس يسألو وكمان اثر
العمليه والخياطه جانت مره بططله
بس الغريب مادوني ابره مسيله والي لازم بعد كل عمليه كانو يحفزوني علي المشي
صح
نجي للمواساة
المواساه كل حاجه سلبيه قلتها بالمطبقاني عكسها موجود المستشفى نظيف
في سستم واشوف نتايج التحليل من التطبيق احجز عن طريق التطبيق
السرير مريح اعطوني ابره مسيله الغرف نظيفه جداً المستشفى كان في الابره
الاولى لطفل وحضانه وماكانت موجوده بالمطبقاني دول صح
ولكن الحاجه السلبيه الوحيده فيها الكادر الطبي من جد منجد ماهم بكفائه المدينه الوطني
ابداً بعد الافاقه قمت وانا ابكي واتالم لانهم جرحو صدري وهم يخرجو انبوب التنفس
طفلتي جاتها اصابه وقت الولاده يسموها دفاشه ولاده علي قوله الدكتوره عورولها عينها
ماكانو يجو دكاتره يطمنو زي المطبقاني ابداً كانو من عند الباب يسآل ويمشي ماكشفو على جرح
العمليه بعد ماخرجت وغير كذا الخياطه مره سيئه وتوجعني لحتى بعد ٩ اشهر الان
مستحيل اعيد التجربه ثاني بالمواساه اطباء ماهم بخبره ومهارة المطبقاني صح النظافه تجنن ماشاءالله
التعامل معاهم مرن وعندهم رعايه عملاء ويهمهم رئي المريض او المراجع افتكر مره جيت والاطبيبه خرجت
وحاست المواعيد طلعلي المدير المناوب ودخلني على طبيب يعني ماخرجت الا وانا راضيه
اتمنى يكون عندنا بالمدينه مستشفى خاص بمستوى الحبيب بالرياض او سعد بالخبر سابقاً منجد نحتاج
مستشفى تكون نظيفه وكادر محترف ورعايه طبييه حقيقيه نحتااج والله
