ايش قصة البلاك فرايدي ؟

يقولكم  في سنه ١٨٦٩ م  صار كساد كبييير  وازمه اقتصاديه شنيعة في امريكا  صارت فيها خسارات
بالملاين والناس بطلت تشتري وقفلت شركات كبيره وناس فقدت وظايفها  بدا سبب ودا ركود صارت
البضاعه  تتكدس في المخازن  والخسارات في تزايد مستمر فعشان يتلافو دي الخساير وعشان  ماتزيد اكثر
قررو يسوو تخفيضات هائله وضخمه  تخفيضات تكون قنبله وتخلي الي مايبغا يشتري  يشتري
وبالفعل نجحت الخطه وصارت زحمه بشوارع وكل الناس خرجت الشوارع صارت خنقه وكلها ناااس
فقررو يكون تقليد  وكل سنه يصير  وسمو البلاك فرايدي  او الجمعه السوداء سبب اختيار اللون الاسود
رمز لركود  هديك السنه السودا على الاقتصاد الامريكي   وكمان يقولو  عشان الشوارع من كتر الزحمه
صارت سودا وخنقه ،

متى موعد البلاك فرايدي  ؟

دايماً يكون بعد عيد الشكرا على طول وهو اليوم الي يشترو في الهدايا  مالو تاريخ معين المهم يكون اخر جمعه في نوفمبر
الي حيوافق دي سنه  2018 / 23 November   بس بعض المواقع تقول انو البلاك فرايدي  حيكون يوم ٣٠-نوفمبر 
وهو الصح  لانو حيكون اخر جمعه  وفي بالعاده بعد البلاك فرايدي   يوم الاثنين  يسمو سايبر موندي وبرضو في تخفيضات 

يستاهل  او لا 

طيب اكيد بتسألوو   هل البلاك فرايدي يستاهل   انو نستناه  ونتعنالو او لا  ؟ مممم بنسبه ليا
 انا بتابع  عروض البلاك فرايدي من 2010  بالزبط وبنسبه ليا بالبدايه كنت استعد واجمع فلوس 
لهداك اليوم  لانو حاطه بالي حشتري كل شي نفسي فيلو  حقيقة من تجربتي الطويله العريضه
البلاك فرايدي حظظ  بالزبط حظظ سنوات ممكن تلاقي شي وسنوات ماتلاقي ولا شي 
بالغالب الي يستفيدو منو الي بامريكا المعارض الكبييره  بتسوي زي تخفيضات اكسترا 
الي دايما نسمع عنها  وخاصه على الاجهزه المنزليه  وكذا صراحة  مرات المواقع بتسوي
عروض  احلى  واحسن  من البلاك الفرايدي خلوكم  متابعين مواقعكم المفضله وسجلو 
بالقائمه البريديه  عشان لاتفوتكم العروض 



كيف  استفيد  او نقدر نقول كيف نتجهز للبلاك فرايدي

غالباً   انا قبل البلاك فرايدي باسبوع ابحث بقوقل عن   عروض البلاك فرايدي لمواقعي المفضله عشان
احطها بالسله وبس يصير البلاك فرايدي اسوي شراء  كيف يعني  مثلا  اكتب بقوقل   مثلا
black fridy  site  deals  :  amazon
مجرد ماسوي البحث بيديني دليل العروض للموقع الي ابغا    بعض المواقع بتجهز عروضها
وتجهز  من قبل بس ماتقدري تشتري  الا بلاك فرايدي  زي  faerfetch

وكمان في مواقع  بتعرض لنا العروض الموجوده دي هادا

طريقه  الشراء والطلب اغلبنا  عارفنا وكثير من المدونات  ماقصرو وشرحو الخطواتلو حابين  ممكن اشرحها لكم عن طريق السناب شات عموماً بسنابي دايماً اتكلمعن افضل العروض ولو في عروض خلال السنه بتكلم  عنها واسوي مراجعات للمواقع وكذالو تحبو   يعني

بالاخير  ححط  قائمه بافضل المواقع الي احبها والي لي تجارب معاها ولو في اكواد خصم ليها
حضيفها لكم هنا  والموضوع حيكون محدث 

• نوردستورم 

طبعاً لو دخلتو  ع رابط على طول حيوديكم على صفحة التخفيضات الخاصه بالبلاك فرايدي
اتفرجو ع العروض ولي يعجبكم  حطو بالسله عشان مايروح عليكم

• فارفتش 

من افضل المواقع بنسبه ليا وموقعي المفضل

• لويز روما
• اسوس 
• مونيكا فيندرا
• كيت سبيد
• بلومنغ ديلز
• سلفردج 
• نيمن ماركس
•  نت آ بورتر 
• باي سمفوني
• ساكس ففث أفنيو 
• بلومنغ ديلز 
• يرغدورف  غودمان
• فيكتوريا سيكرت 
• بارنيز