"يمكننا تعريف البعد البؤري (Focal Length) بلغة بسيطة بأنه يرمز إلى المسافة بين السطح الأمامي للعدسة المستخدمة وبين جهاز الاستشعار (sensor) الموجود في داخل الكاميرا. هناك عدسات ذات بعد بؤري ثابت وهي تسمى عدسات prime وهناك عدسات ذات بعد بؤري متغيّر وهي تسمى عدسات zoom."

" البعد البؤري يحدد الزاوية الي تلتقطها العدسة ... كل ما كان البعد البوري اقل كل ما كانت زاوية الصورة اكبر.خلونا نفرض ان قدامنا منظر معين ... بيت مثلاحنا واقفين قدام البيت وبينا وبينه 20 متر ... لما نجي نستخدم عدسة بعدها البؤري مثلا 17 ملم وهذا يعتبر بعد بؤري قليل يعني الزاوية كبيرة ... بيطلع معنا البيت كله مثلا.طيب نجي ونغير العدسة لوحدة بعدها البؤري 200 .. راح تكون الزاوية ضيقة وبالتالي مهوب طالع معنا الا الباب بس مثلا.

الصور توضح اكثر










الصورة الي على اليمين مأخوذة بعدسة بعدها البؤري 100 ملم ولأن الزاوية ضيقة فما جا في الصورة الا المبنى بس.. وهذي هي فكرة تقريب الاشياء البعيدة انه كل ما زاد البعد البؤري كل ما قلت الزاوية وبالتالي الي ينعكس على الحساس الجزء البسيط هذا ويطلع بشكل كبير في الصورة.
الصورة الي على اليسار مأخوذة بعدسة بعدها البؤري 30 ملم .. فعشان كذا جت بزاوية كبيرة ودخلت في الصورة البحيرة والاشجار وبالتالي صار المبنى بعيد وصغير في الصورة مع انه الصور الي قبلها مأخوذة من نفس المكان."