اول شي انا في عاده سيئه غالبا ماحكم على ناس من شكلهم هيئتهم ،، يعني  يعني في ناس كدا من اشكاالهم
ماطيهم ماتخيل نفسي اتكلم معاهم ماحس براحه المهم تمرر الآيام وفي وحده مره ماكنت اطيقها شكله كدا بلدي
سبحاآن الله مع العشره والايآم البنت طلعت مؤدبه .. اخلاص ،، شاطره ،، تحب تساعد الغير
حاولت في البدايه اتقبل البنت ..وماقدرت .. بس قررت حاجه انو لازم اتقبلها وغصباً عني  وصلت لقناعه انو ماحكم عاناس
من اشكالهم ممكن في ناس بتشوفني بلدي كدا بالمشرشح يعني .!
وبديت  اتقبل الناس وماحكم من شكل  بسس  وياويلي من كلمه بس دي
في ناس برضو ،،كدا نفسياَ ماتقدر تتآقلم يعني حاجه من ربنآ كدا مو لشكل بسس كدا نفسياَ ماتترتاحو
وهدا بيقولو عليه القبوول من الله   زي مايقوولو  ،، وهدا شي ماقدر ضغط نفسي علييه
بس خلونا نجي لعالقاتنا مع ناس ... في جامعه برضو   بشوف البنآت كدا تصير مناوشات لاسباب تافه
وتكببر وتصير كره وعداوه ليييش عشان فلانه ماتحسب لكلامها لما تتكلم ،، شوفي فلانه ايش قالت داك اليوم
.. تفتكري فلانه مارضيت تديني الواجب خافت اسرقو منها و  شفتي فلانه ماتقول درجاتها وووووووو يعني
حاجات احسها بنظري تافه ،،ليش مانتقبل الانسان بعيوبوا زي ماقبلنا حسناتنا لما افكر بكل كلمه بيقولها
بكل حركه حتعب وماحيكون ليا ناس ابداً
يعني .. مثلا عندي ناس  معينيين  احبهم ومتآكده انهم يحبوني وييعزوني زي نفسهم بسس مثلا
هما ممكن ينتقدو نااس انتقادات جارحه بس مايرضو ع ناس ويفسروا اي حركه تفسيراات اخرى مغايره تماما للواقع
مثلا..! مره قررنا نروح العيله كلها مطعم نتعشا فيلو  اقوم المغرب انصدم انهم راحو سوق  وشربو وقهوه وحيكملو سهره
في بيت وحده من خالاتي .، وانا يومتها كنت متفقه مع وحده من صحباتي انها تيجيني بس الغيتها عشان نروح
اتقهرت جدا وقلت لماما ابغا اتعشا بمطعم وبعدين نكمل عند خالتي قامت قالت روحي انتي واختك واخوك انا بروح لاخواتي قلتناا طيب ،، وروحنا وتعشيناا ورجعنالهم  ولما دخلنالهم كانو بيتعشو وع فكره كانت الساعه 10
الا وناس الي تفقنا معاهم بالاول يثورو ليشش تروحو  مو عيييب كيف تروحو ويخطينا ومادري اييش وبنتها تقول ليش ماقلتلولي قمت ققلت قالولي جاتك صحبتك  قالت هي جات شربت القهوه وراحت وانو مررررررره  زعلو
بس غلطو انو عادي هما يروحو مطاعم ويخرجو ويسهرو ل١٢ بس احنا حرام مدام هما هنا  نقطه انتهى
بس لآني احببهم ماراح ازعل وشيل بقلبي حتقبل عيبهم بكل صدر رحب
عشان كدالازم نتقبل عيوب الغير وتصير صدورنا  ونطهر ارواحنا من العفن الاجتماعي دا

http://www.youtube.com/watch?v=rhWneaQXSdA


منذ قليل وانا اتابع تغريداتي  ،، الآ وتغريده  غردت بي إلا رابط اخر
وكانت لفته بآن اليوم هو اليوم العالم لفاقدي البصر
وكم حمدت الله  الذي احسن خَلقنا وإن شاء الله خُلقِنا

 .....
كثير من فاقدي البصر  علمآآء وناس خلدهم التاريخ لم  تكن اعاقتهم سبب
لتقف عقبه امام حياتهم بل كانت سبب  لتحقيق نجاحاتهم




منذ فتره  شدني مسلسل ،،،
تابعته ولكن للآسم المسلسل اخد اجاره لفتره وإلي الآن لم ينتهي
اسمه    Switched at Birth

مسلسل بيتكلم عن فتاتين  ،،من عائلتين وثقافتين مختلفتين ،، ويتم التبادل الخاطىء ساعه الولاده
وكيف تكون حياتهم بعد معرفتهم للحقيقه  فإحدى الفتيات صماء بكماء بسبب  مرض اصابها في طفولتها

 ماشدني بالمسلسل  " انو كيف " استطاعت   الإنخراط بالمجتمع  وتعيش حياه طبيعيه جدا
 طبعا  المسلسل بيوضح معاناتها حتى تكون انسانه طبيعيه  .. !

  المسلسل   " فتح عيني  على حاجه " ان فئه  منسيه  وبتعاني في بلدنا
صديقاتي بيدرسو تربيه خاصه  .. مافي مراكز يروحو يدربو فيها غير مركز الامير سلطان !
ومايقدرو يروحو كل  دفعه ع دفعات بتخلص السنه وفي ناس ماراحت

 في نهايه بحس انو الكلمه وقفت بحلي ومش قادره اكمل احس في كلام كتير بس موقادره

حكمل في وقت تاني