الجو بدء يتعدل ويصير جيد ويعدل المزاج  دي الفتره راجعه اسمع اغاني قديمه وكده  كده ليا ساعه معلقه
ع اغنيه اصاله مره جميله ومره توجع حلوه بشكل دي الادميه  تطرب وتاخد جو احسها المطربه الوحيده
الي تملك احساس حقيقي  يا صوتها ياخذ عالم تاني وقصه  جديده

السلام عليكم ورحمه الله وبركاته


كيف حالكم  

احس نسيت اكتب بوست وكدا اعتذر يامدونتي الجميله عن الانقطاع المرير دا
نور راحت اجازه ونور تو  ماتعرف تسوي شي لين فوق راسها وكدا صارت
مستجدات بحياتي جميله وكدا :S ولاب توبي كمان خرب وطلبت واحد من  اول رمضان
وحولت الفلوس وكدا ولين دحين ماوصلني  اليوم اخذت لاب توب خالتي خخخ خلاص ماقدرت
اتحمل حياتي توقفت تماماً :|


فـ ولكم باك تاني طبعا وانا اكتب البوست دا افتكرت اللحمه ع نار ماما قالتي انتبلها لين ٥
اشوا مانشفت المويا ونحرقت وكمان افتكرت انو ماما قالتلي افرم الملوخيه
وللاسف الفرامه مدري المكينه مارضت تفرم فسبتها لين مـا ماما تقوم  :|


فدحين تاني حكمل البوست الي قعدت ساعه افكر بعنوان واخر شي قلت خليني ابدء
في دا البوست حجمع بين مفضلتي وكمان ريفيوو  لحاجات استخدمها بعنياتي اليوميه
والاسبوعيه وخلونا نبدء ببسم الله








نبدء مع اول شي هدا شي جميل جداً تخيلو من بودي شوب 
انا مافكر ادخلو غير لما اشتري الببل او زيوت العطريه هدا  اليوم وصل حدي من الكيوكتل الي بيدي
صار يتجرح وينزل لين تحت زي الشق بالجلد مره كان مأزمني دخلت قلت ابغا شي يرطب اليد والاضافر
وصف المنتج هو كريم مرطب لليد والاضافر من زيت الوز الحلو وكمان زيت الجوز    والحاجه الصغيره دي زي القلم
تبرميها تطلع زيت  وتمسحي بي فوق الاضافر وعلى جلد 

نتيجه معايا  بدايته استخدامي كانت ع اخر رمضان بالعشرة الآوخر ولين دحين الكريم مايفارقني كل شويه احط منو 
والكوركتور بحطو قبل ماانام مع الروتين اليومي حقي  نتيجه بابنت بنسبه لجرح الي قلتلكم عليه بضرف يومين والله حسيتو خف مره وبضرف اسبوع اختفي وبعدين سويت منكير وبودكير واسخدمتو معاهم  ماصار يطلعلي الكوكتل زي اول 
ومع الكريم يدي فتحت كنت اعاني من اسمرار من الشمس ايام الجامعه وكدا دحين احس توحدت لونها من بشرتي والحمدالله    طبعا يناسب جميع انواع البشره  وحرجع اشتري 

سعر الكريم  ٥٢ ريال
والكركتور  كانو ٢٧  ريال 








نجي الحاجه التانيه  منظم ومقشر من كلرنس الي تشوفو قدامكم دا تسست   الله يرضى عليها 
البنت ادتني تلاته حبات  ممن كل واحد بديت استخدهم كدا من شعبان  وخلصت قريب من كم يوم
باذن الله حنزل واشتريهم جدا ناسبت بشرتي انا بشرتي مختلطه   الغسول في زي الحبيبات الزرقا 
تحطي ع بشره رطبه وبعدين تقعدي تفركي لين تختفي دي الحبوب تحطي كميه قليله تطلع رغوه كتيره 
تحسي البشره جداً نضيفه وكمان انا بشرتي مختلطه تي زون دهني وباقي البشره عاديه احسها
عملت توازن وصارت البشره كلها عاديه زي بشره الاطفال ونااعمه ماتحتاج كريم بس بحط بعدها كريم 
النهار ماعجبتني ريحتو  وجميل برضو بس الاجمل الغسوول وكمان اخذت السيريوم بس خلص
خخ السيريوم الجديد تبع كلرنس مره حلوه بيدي اشراقه للبشره ويخليها بمنظر صحي 
ارجع اشتري اكيد ونص

السعر اعتقد التنين مع بعض يجو ٣٠٠ وحاجه سعر جداً جميل 









هدا شي  انا ماكنت اؤؤمن بزيوت وكدا هداك اليوم طفشت من شعري وقرآت انو زيت الوز 
الحلو مره مفيد لشعر  رحت لاقرب صيدليه  مننا واخذت هدا شي  زيت الوز الحلو 
للشعر والبشره  صراحه انا بحطو قبل ماتروش نص ساعه ع شعري  من بعد الجذور 
للآطراف مابعبي شعري صراحه ماعرف التحسن الي صار من شعري ولا من شمبو لش
 لانو بستخدم بعدو شمبو منظف من لش  شعري من جد مافي تشابك وماصار ينفش
طبعا بس بعد الحمامات الي بحطو لانو بحطو مره بشهر الزيت دا  ويصير شعري كانو
نص مستشور مرره جميل وجيد احبو كتير 
اشتريتو من صيدليه انس مطبقاني 
بحوالي ٥٠ ريال 





شامبو بق من لش العلاج الافضل للقشره والتشابك الشعر كان دا الغرض من اشتريتو
الشمبو مصنوع من املاح البحر  يعتبر مطهر منظف للشعر حق مره وحدة بالاسبوع
مرره جميل حبيتو استخدم قبلو زيت الوز طبعا الشمبو بيجفف الشعر فبعدو استخدم 
سيريوم كرستال لين الاقي بلسم جيد 
اشتريتو من لش ستارز افينيو بجده 
سعر حاجه و سبعين 






برضو هدا شي من لش هدا ديودرنت  اسمو T'eo
هدا بقوول وين كنت عنوو من زمااان استخدمت انواع كتيره وماحسيت نتياجها جميله يعني تمنع تعرق
بس ماتديكي ريحه جمييله هدا شي بيديكي ريحه جميله من جد وغير كدا حسيتو مابيسمر
مصنونع من زنجبيل وليمون اول ماتجي تبان  شعيرات الزنجبيل بس انا هريتها خخخ فخلاص 

وصفه في الموقع : 
مضاده لفطريات القدم مع وجود شجرة الشاي المكافحة للبكتيريا ،
بالإضافة إلى نبات العرعر وأعشاب الليمون. 
يوصى باستخدامه للأفراد الذين يعملون بجد ويفرزون الكثير من العرق.

سعره : 90 ريال يطول معك فوق شهرين بإذن الله 







هدا قناع البلو بيري من  باث بوردي ورك 
لونو اسود تحطي ع بشره جافه وتنتظري ربع ساعه لين ينشف وتخرجي زي البلاستيك يجي
اشتريت الحجم الصغير عشان اجربو ماشفت فيلو شي  الصراحه ع قد المدح وكدا 
ماعجبني فما راح رجع اشتري له

سعرو الصغير ب ٣٦ اعتقد 



وان شاء الله اول ريفيو ليا يعجبكم ولا تنسو تسو اشتراك عندي 
واي استفسار اعملو كمنت وان شاء الله ارد 

السلام عليكم  ورحمة الله وبركاته

وحشتني مدونتي مرررة لاب توبي خرب ولين دحين ماصلحتو ولا شتريت شي جديد
تعرفو الحالة لما سواق يسافر وكل الامور كدا تتعلق ماتقدرو تسوو شي كدا حالي
بكتب من الايباد اجرب اكتب هادي التدوينه منو !
 
 !

السلام عليكم ورحمه الله وبركاته 

حابه ابدء بدايه جديده تانيه  ماحبيت  بنفس الوقت اسوي مدونه جديده بس انو حبدء خطوه جريئه 
ماتوقعت حسويها نوعا ماً حكتب عن كل شي يقابلني ويشندي سواء في عالم الفاشن او الميك اب 
باهواايتي وحتابع دروس التصوير وكل حاجه بس حوسع افقي شويه حكتب يومياتي كمان وكل 
حاجه حكون هنا 




hi there 

i want to beign a new start her i will blog about evry thing i iterested  or happing with me 
i will be there waiting me 


xoxo 

السلام عليكم ورحمه الله وبركات



قبل اسبوع تقريباً كنت بالنور مول بنعمل shopping انا وصحبتي واكدا واحنا داخلين ع محل
نسيت اسمو اعتقد كولوني شي زي كدا المهم وانا بمشي بشوف المصري قاعد يقول لشاب
سعودي بيشتغل "انو الارزاق بيد الله زي مانتى عارف وهتلاقي رزئك بمكان تاني  ..."
طبعاً انا مشيت بس كان كل تركيزي معاهم بنص الدوام وبيقولو كدا قدام الكاستمرز
والمحل مليان طب كان دخلتو المخزن وقلتلو يـ ** منجد مره عصبت ومرره حزنت
انا حسيت انو انكسرت وانسدت نفسي خااصه لما شفت الشب خارج وراسو
بالارض مرره كان راسو بالارض من داك اليوم وانا كدا بس افكر ... الاحساس جداً قاسي
جلست افكر وين السعوده الي بيقولو  هما عمالين ايه يسوو عشان كلمه سعوده  صارو يسعودو
واحد ويشغلو شهر شهرين بعدين يشوتو ويجيبوا واحد اجنبي بدالو على طووول
اعتقد انهم بيمشو سعودي ومايلغو اوراقو ويخلو واحد اجنبي يشتغل انو هوا لان دي الحركه
قريت فيها مرره مره انصمت حسبي الله عليهم  يا الله نظرتو وهو  خارج كيف كانت منكسره
نبغا حل لدي الحاجات الي بتصير افتكر زمان لما كنت صغيره جاتنا "خادمه " كانت مرره سيئه
ماتشتغل كويس وكانت تضربنا انا واخويا دايما وتزعق علينا طبعا ماما ماكنت تسيبنا مع شغالات
كنا ننزل بشغالتنا عند جده لما ماما تخرج .. المهم كنت دايما شتكي لماما ودايما تخرب وتكسر
افتكر مره حرقت سجاده حرير ايراني  لما ماماعصبت قلتلها سفريها قالتلي كلمه الي اليوم
دا ترن بادني كانت تقول " ماحسفرها الا لما هي تقول ابغا اسافر قطع الارزاق ولا قطع الارقاب "
منجد كيف دولا مايفكرو كدا  اعرف البوست دا مايودي ولا يجيب بس فضفضه
وحاجه كاتمنتي لليوم الله يوفقو ويرزقو بالي احسن منها ويرزقنا احنا كمان يافتاح ياكريم

السلام عليكم ورحمه الله وبركاته

كما وعدتكم امس بأن تدوينتي اليوم تخص التصوير الضوئي درس جديد.. بنسبه لي

تدوينتي اليوم ستتحدث عن الفلاتر ،، الفلاتر شي جداً احسه مهمل ماحد تكلم عنها

في الفتره الماضيه كان عندي هوس بتصوير البحر بشكل الضبابي او الدخاني

حاولت حاولت ولم انجح وبعد السؤال والتقصي وجدت ان بعض المصورين يستخدمون

فلاتر خاصه .. بالعدسات تساعد بتقليل او توسيع التعريض ..، وانا بالمناسبه قبل

ان اشتري اي شي احب اعمل سيرش واتقصي علي شي من إلي فعشان نشتري

فلاتر لازم نعرف التالي ،، مارراح اطول عليكم وخلونا نبدء








اولاً: ماهي الفلاتر 



الفلتر هو قطعة من الزجاج او البلاستيك او الكارتون – او القماش توضع على العدسة لأعطاء تأثير على الصورة غير التاثير الاصلى.







ثانيا:لماذا احتاج للفلتر