وبسس ....!

مع الهيب الصيف والحر احسن حل اسكريم تعددت اشكاله واللوانه  وحتي شركات الي بتنتجها  شي يرد الرووح 

ماعتقد احد بالكون  دا مايحب الاسكريم او قيد ماعمرو جربه او نفسو يجربو :p  عشان كدا خلونا ناخد جوله بسيطه عن تاريخه .

اختلفت الحكايات الي قريتها عن بدايه اختراع الاآيس كريم في ناس قالو انو بدايتها 

كانت عن طريق ولد امريكي نسي كوب العصير بره  البيت وكان الجو بارد وكدا في صباح جا رجال كبير

وهو ماشي جمب البيت لفتو شكل العصير المتجمد وجاتو منها فكره الاسكريم  في حكايه تانيه انو 

وجد من قبل الصييني في البدايه وانتشر للايطالين ومنهم للبريطانين ولهم للامريكان واخيرن  جا لنا بعد مالف الدنيا . 

بس انا قمت وسآلت عمو ويبكيديا وقالي  انو القصه بتختلف ،،

بدايتو كان عند الفرس وانهم كانو يستعملو كعلاج  ايام الصيف كانو يصنعو من عصير

العنب المركز ويخزنو بغرف زي السراديب تحت الارض بارده  ولما يجو ويقدمو كانو يزينو بالعسل

والدبق   وبيقول عمو ويبكيديا كمان انو اذاعه الـ BBC مره سوت تقرير وقالت 

نفس الي انا قلتو انو كان موجود بالحضارات الصينيه  بشكل استخدمو خليط من الحليب والارز المجمد وكمان 

حتي اليونانين كان  موجود عندهم يقولو انو امبراطورهم  نيرون كان يجب التلج  ويضيف عليه شويه فواكه وكان يقعد 

يستطعمها  وكمان بيقولو انو المدن العربيه القديمه زي بغداد ودمشق قد وجد في الاسكريم 

حيث انو هما اول من دخلو الحليب ومشتقاته بطعام يعني العلم وسبق رجع لنا حتي بالاسكريم 

هدا نووع لزييز جداً في صيف الحار جداً :( 

لآحساسنا بالحر وافهفاتنا منو  لازم يكون لنا وقفه فـ  اول حاجه لازم نستعظم ونحاول نستعوب حجم 

حراره نار جهنم  الي ماتساوي جزء من حر ونار الدنيا  وافتكر كانت عندي ابله بالمتوسط الله يذكرها بالخير

كانت تقولنا دايماً لما تحسو بالحر او  تشوفو نار قولو (اللهم اجرنا من نار الدنيا ونار الاخره ) 

وفي الاخير ،وجدت دا الحديث الجميل  الي اول مره اعرفو  

قَالَ رَسُولُ اللَّهِ ﷺ :( إِذَا اشْتَدَّ الْحَرُّ فَأَبْرِدُوا بِالصَّلَاةِ فَإِنَّ شِدَّةَ الْحَرِّ مِنْ فَيْحِ جَهَنَّمَ وَاشْتَكَتْ النَّارُ إِلَى رَبِّهَا فَقَالَتْ يَا رَبِّ أَكَلَ بَعْضِي بَعْضًا فَأَذِنَ لَهَا بِنَفَسَيْنِ نَفَسٍ فِي الشِّتَاءِ وَنَفَسٍ فِي الصَّيْفِ فَهُوَ أَشَدُّ مَا تَجِدُونَ مِنْ الْحَرِّ وَأَشَدُّ مَا تَجِدُونَ مِنْ الزَّمْهَرِيرِ) . رواه البخاري

زمهرير : شدة البروده 

وده رابط حملو الملف الي في واقرئو خطبه عن الحر وكلام جميل فيها 

حمل من هنا

وسلام عليكم