السلام عليكم ورحمه الله وبركاته
كعادتي احب اشاركم بتجاربي بأي حاجة اجربها ولكن كسلي شديد وانشغالي
مع مسؤلياتي بدء يعيقني عن انو انزل اي تدوينه رغم محبتي الشديده لتدوين
هادي المره حابه اكتب تجربتي مع عياده اسنان هنا موجوده بالخبر
اسمها المركز السويسري بحثت كثيرا عن مراكز وهالمركز سمعت عن مدح
لدكتور في اسمو عبدالمجيد و حجزت موعد وربي كتب وفتحت ملفي
الدكتور حط خطه علاج وماأشرف عليها حولني علي اطباء اخرين
رغم انو اسناني جيده جداً مافيها شي الا تسوسات سطحيه
وكان عندي سن سويتو عند طبيبي بالمدينه ولكن ماكف الوقت انو يلبسو
عشان مايخرب العلاج حتي تسوسات ماكان في علي روايه طبيبي
المهم بالبدايه قال نعالج تسوسات عندك خمسه اسنان
وسميت بالله وصدقت الطبيب مع انو مارتحتلو ابداً كانت بطنو بس تصدر اصوات
ورائحتو كريهة كنت غاصبه نفسي وانا مو حاسه براحه خلصت كم سن من الي قال
عليها وبعدها ماشفت الخير ابداً نزلت المدينه انو اجازه وعانيت معاناه
من الالم كلها بالاسنان الي شتغل عليها وكانت فتره عيد الفطر ورجعت حجزت موعد
عندو قام قالي انو الاسنان الي اشتغل عليها كانت تحتاج سحب عصب ححولك ع طبيب
اعصاب ورحت عند دكتور سوري دجال حسبي الله عليه ونعم الوكيل اول شي
قال انو عندك مدري كم سنه اعاده علاج مو علاج اعاده علاج وانو اعاده العلاج
مايشمل التأمين وانو لازم ادفع ١٠ الاف ريال فقط علاج من غير التلبيسه كمان
قلتلو طب اكتبلي ارقام الاسنان الي تحتاج اعاده علاج وبالفعل كتبلي هي بنص عين
زي ايش بتشيكي من ورايا وشتغل ع سن الي يوجعني وقتها لانو كنت برتاح من الالم
وبالفعل خليتو يسوي سن واحد وبعدين كسلت من موضوع اسناني قلت لانزلت العيد
المدينه اسويها عند طبيبي المهم كدا ع رابع العيد الاقي في خراج مكان السن الي اشتغل عليه
اصلا انا استغربت منو علاج العصب ياخد اسابيع بينها مواعيد تنظيف فقط وبعدين يحشي
هادا الموعد الاول عالج وبعد يومين جيت اركب الحشوه المهم حسبي الله عليه لعب باسناني وخربها
ودحين سويت موعد بعيادات اسمها رام احد اصدقاء زوجي مدحها له لان طبيبي للاسف حيطول
وماقدر اقعد هنا وهو هناك فتره طويله نصحني اشوف طبيب اخر و وكتبلي تقرير ربي يديه العافيه
طبيبي بالمدينه اسمو عبدالرحمن بعياده ابراهيم مسعود بقربان الطبيب مره شاطر وفاهم انا من ٢٠٠٦
وانا ماروح الا له .
الغربه والانتقال من المدينه جداً صعب مو بس بالحياه والناس وجمعات الاهل الي تفقديها
حتي ابسط الاشياء النادره يعني مثلا اشتهيت تميز وفول ماحد يسوي زي حق المدينه ولا جده
ابغا دكتور جيد اتبهدلت بموضوع المستشفيات وفي كل شي مابقول المدينه مو حلوه او مافيها شي عدل
بس الغربه هم قوي وانو تغيري حياتك وتبدئي رحله بحث عن ابسط شي محل خبز جيد صالون جيد
و و و الحمدالله
وبالاخير زورو حسابي التجاري بالانستجرام @bestunning_