السلام عليكم ورحمه الله وبركاته

كيف الحال والاحوال والاوضاع وهكا بقيه الامور

طبعا بما انو تخرجت بقسم جميل جدا ولكن التوظيف في بمدينتي بتخصصي نادر لين مو موجود
فشكلو قاعده بالبيت قاعده  وبدءت حالات الطفش والكلل والملل فقررت اسوي كدا يوميات واحطها هنا
حتي لو اليوم مايستاهل حكتمو منها كما تحريك للمدونه بما انوو كدا قريحتي التصويريه واقفه شويه
وكداا والنت برضو معلق عندي بالبيت يعني جد دي مشكله تانيه ونكد تاني بدء من عطالتي الجميله
وانا دحين اخذت الكونكت حق بابا وبدخل منو ع النت وهكا

نبدء بيومي الاول اليوم بآحساسي الحقيقي بالعطاله هو اليوم
2012/seP/03

طبعا انا من اول ماتخرجت تعاقده مع معهد الابرار وكدا وانو اوك حبدء من اول يوم دراسه معاهم
وخلاص تمام قبل دوام باسبوع كلموني وانو ترا الدراسه تآجلت اسبوع ووو امس جيت اروح دوام وكدا
قلت خليني اكلمهم قبل لا اخرج الا ويقولولي دراسه تاجلت 3 شهووووور ! تحبي تستنينا انتي وزووقك

طبعا ماني مستنيه نيفر ايفر فشكلنو  بروح ادور ع المدارس وكدا وبسوي جدول انو ادور ع المدارس والبنوك
وكدا واشوف بسوي جدول طول كل يوم مكان  واسوي حصر للمدراس الي بالمدينه كلها  والبنوك :D

طبعا بلش يومي من لما نمت كدا بدري ع ساعه 11 او 10
وصحيت ع ساعه 11  سويتلي " كرك " ع قوله اخواننا الإمارتيه الي هو شاحي  بحليب بوني
معاها قطعه من الكيك وقعدت مع البابا نقرآ معلقات شعريه ونسم الست فيروز

وبعدوو شوو ايوا جات ماما من دوامها وبدت تقول المفروض انا اجي انتي تسوي الغدا ووو

طبعا استنينا لين يجو حقون المدارس وتغدوو وانا اتفرج عليهم لان طبعاالغدا مو عاجبني وبعدين قعدت ع تي في لين العصر
ورحت عند ستو وتقهويت مع عماتي الجميلات وكدا ع المغرب خرجنا واحتا خارجين اقول لبابا في نادي صحي هنا خليني ادخل اسئل ودخلت طبعا ولانو النوادي مقفله بالمدينه كانو رافعين السعر ونفسهم قشر والمكان مشغل تجميل اصلا وكاتبين مركز فلان للعلاج الطبيعي وبس رجعت البيت زاكرت لاخويا صغير وخرجت مع ماما تاني شفت نادي تاني كدا ماعجبني مكانو وحش والي يشتغلو كمان سمر واهلي عندهم عقده السمر مادري لش والان انا بحيره بالامرين هداك بمشغل وهدا نادي بس الموضفات سمروات وبس رجعت البيت اكلت وهييني بكتبلكن قبل ماانام وتصبحو علي الف خير