اسللاااامو عليكووم

اليوم بتكلم عن امس واليوم طبعا امس كان بزي جداً والنت كان مفصول وكدا وحوسه يعني المهم
امس كدا فجآآءه صحيت بدري جدا قبل حقون المدارس مع انو انا نمت بعدهم وقاعده اقول ابغا انام
انام ومافيا نوم خير شر رحت طبعا اخدت الكونكت تبع بابا ونتنت اشويا وبعدين سويت فطور
ليا ولبابتي وجلسنا نتناقش عن المافيا الاعلميه والمليشيات  الي صايره ووو وبعدين اتجهنا لشعر والادب
وجالس يقولي  اشياء كاتبها علي فكره بابا النابغه الذبياني الجديد اتفتحتلو قريحه شعريه رائعه
من اول مادخل الـ ٤٠ الله يدي العافيه وطوله العمر طبعا يعني وماشاءالله بيكتب شعر شي تحسو من
العصر العباسي ولا الاموي احسن من نزار بعض الاحيان والله شي جميل نفسي اكتبها هنا بس
حفقد السريه طبعا لانو بابا ماقايل ليزور الي يكتب في بالنت غير لاتنين انا واحد من اصحابو وواحد اولاد عمي
ماعرف مين بزبط بس هو قايلي انا بس طبعا انا بنت بابا المدلله جداً يمكن لاني بكريتو وكدا ياحبيبي يابابا
المهم وقعدنا كدا شويا ييجيني بي سي انو في مدرسه محتاجه معلمه حاسب وهكا وهادي المدرسه مره قريبه من بيتنا
يعني والله لو شارع مايخوف كدا كان رحت وجيت مشي المهم كلمتهمم قالو لو يمديكي دحين تجي تقابلي المديره
وقابلتها وكدا وقالت تجي بكره تحضيرلي درس واها وه اوك خلاص طبعا ماستخرت ورجعت البيت
وكل الكلام كلمتهم ورحت وجيت يمكن اقل من ربع ساعه  المهم ادوني كتاب وقالولي حضري عشان بكره
نشوفك ونقولك اوك او نو وبس  رجعت البيت  الظهر راح وانا ادور دروس وكدا ع نت وخلصتو ع العصر واخدني بابا
ع اسوق عشان يقضي للسفر وبس يادوب رجعت كملت مزاكره لاخويا الصغير وبديت اتجهز عشان كان عندنا زواج
ولدعمي وكددا  كان الزواج رايق جدا بسس انا دموعي مابتوقف بس يادوب الحقها وامسحها قبل ماتنزل عشان مرت عمي  امهم اتوفت برمضان العام يعني من سنه وشهر تقريباً وكدا انو البنات كان فرح اخوهم من غير امهم  شي صعب والله ماشاءالله عليهم  ويادوب رجعت نمت وصحيت ورحت المدرسه وقدمت درسي وفطرت فطور جميل لاني مره جيعااانه

طبعاا لوو احكيكم عن البنااات بسسس... ان شاءالله تدوينه تانيه ححيكم عن تجربتي الآولي بتدرس وهكا
لانو حسيت الكلام كتير وطويل مرره وحان وقت الغذاء حرجع اكمل بعدين

يلا بباي